Pasasalamat

Sana sa kahit sandaling kasama kita, ang ligayang naipadama ko sa iyo ay maging habilin ng isang tulad kong nagpapasalamat sa bukas palad na pagbibigay ng panahong sa isang tulad ko. Ang iyong presensya ay nagbigay na naman ng isang karanasang di malilimutan.

Pagtatapat

Magkaulayaw tayo
Isang maghapong masiphayo
Bulong ko'y pinakawalan
Mahal kita alam mo ba?

Sa aking pagsambit
Bibig napapigil
Tanging kapalit nito'y
Ngiting kay tamis sa puso

Sa bawat paglapit
Ng puso kong nanabik
Ikaw lang ang hinihintay
Sa susunod na pagkakaniig

Hindi ko man maamin
Ikaw ang mahalaga sa akin
Tanging isaisip mo
Ikaw lang, kasama ako.

Pagnanais sa iyo
Langit ay tutunghin ko
Upang walang hanggan
Magkasama pa rin tayo.