Sa Dako Pa Roon

Sa dako pa roon, 

Pusong umiibig,

Naghihintay, dumadalangin,

Sa iyong pagdating.

Kung sakaling pagdating

Hinintay man ding kay tagal

Matagal mang maghihintay

Hihintayin iyong pagbabalik.

Sa araw na ito'y

Tandaan aking giliw

Pagsintang kinikimkim

Pagsuyo sa 'yo'y damhin.

Halika't ramdamin

Pusong nagnanais

Yakap mo'y madama

Upang muli, maging isa.

Maligayang Puso

Masaya naman ako at nakausap kita, kahit papaano nagkausap tayo. Alam ko naman may pagtingin ka sa akin subalit, paumanhin hindi natin maibigay ang todong emosyon sa isa't isa. Malamang may tamang panahon para dito. 

Bukas "Araw ng Mga Puso" ang mga pusong umiibig ay may dahilan upang maipakita ang kanilang labis na pagmamahal sa iniirog. Ako, malungkot man subalit masaya sapagkat may mga taong patuloy na nagmamahal sa akin.

Nandyan ang aking mga magulang, mga kapatid, mga kaibigan at ang Lumikha na walang hanggang nagmamahal sa akin. Ako man ay nagmamahal din. Ikaw nga, "mahal kita", kahit hindi ko sabihin alam ko ramdam mo na mahal kita.

Maligayang "Araw ng Mga Puso."