Nandito Lang Ako

Nanahimik akong anuman ang isipin mo ay tinatanggap ko. Subalit anuman ang mangyari mananatili ka dito sa puso at isipan ko. Mahalagang tanggapin na ang bawat isa sa atin ay may kani-kaniyang naisin, hangarin, desisyon at pinag-iisipan subalit ikaw man ay aking iniisip rin.

Sa sandaling nalisan ang bahagi ng kahapon, ikaw ay hindi naalis sa bahagi at banda roon. Ang aking kaagapay sa aking pamamahinga, kaagapay sa aking pag-iisa at kaagapay sa aking pakikibaka sa pagsubok ng buhay twina. Lakas loob ko itong tinatanggap dahil kahit malayo ka nandito ang iyong presensya.


Marahil anaki ang ang aking pagsubok, di ko na alintana dahil sa iyong pagsinta. Anuman ang naisin pag-ibig pa rin ang tanging magdidikta ng isang masayang bukas twina talaga.

Pag Iisa

Ramdam ko ang lamig ng simoy ng hangin. Nanunuot ito sa aking kalamnan. Namimiss ko ang init ng iyong mga halik at yakap na nagbibigay baga sa aking nanlalamig na katawan.

Parehong panahon parehong pag iisa, parehong pagkakaisa. Tanging ala ala mo habang ako ay naghihintay sa iyong pagdating. Ni hindi ko maaninag saan kita pupuntahan, saan kita susundan. Kay hirap sabihing namimiss kita, gusto kitang puntahan gusto kitang yakapin , gusto kitang halikan subalit saan kita matatagpuan?

Malaking tanong ay, kung ang akin bang paghahangad sa iyong mga halik at yakap ay kasing init din ng aking paghahangad? Ang naglulumiyab na damdaming kinukuyom ng pag iisa ay kasing alab rin ng iyong pag ibig?

Dama ko ang pagsamo ng puso ko. Ikaw ang tanging nais ko. Ang akong kahapon, inaasam asam, sana maulit ang mga araw, umaga at gabing tayoy magkapiling, tayoy magkasama. Ikaw at ako walang pakialam sa mundo.

May sasabihin ako...

Kasama na kita,

Subalit ang sabihing mahal kita

Ni hindi ko pa maiapila

Kailan ko ito masasabi kaya?

Kay tamis ng iyong labi

Akin nang inaasam-asam

Mga halik at yakap mo

Hinahanap-hanap ko.

Giliw ko mahal kita

Salitang ako'y napapatda

Kapag nandyan ka na

Sa harap ko aking sinta.

Huwag kang magagalit

Kung akin mang ipilit

Masambit ko sa iyo

Mahal kita, ok lang ba?

Kahit sa diwa ko

Ikaw ang nais ko

Kahit sa paggising ko

Hinihintay,pagbabalik mo.

Huwag ka sanang magalit

Huwag ka sanang lumayo

Totoo itong nais ko

Sambitin, mahal kita, giliw.

Isang Saglit

Mahal kita dama mo yan.

Di ko man masabi nang diretso mula sa labi ko ipinadarama ko iniibig kita. Magkalayong mundo natin ay pinagtatagpo ng iisang silakbo ng damdamin, ang pag- ibig.

Anaki' y di ko makuhang ipagtapat ang nasa loob sapagkat ako' y napapatda. Ang minsanang pagkikita ay nakapagbibigay sa akin ng ibayong sigla at ligaya. Tinadhana na sigurong mahalin kita sa dako pa roon.

Ang mga halik mo at yakap tibok ng yong dibdib nais kong marinig minsan muli,sa isang saglit. Maulit ang mga sandaling nagpapabilis ng tibok nitong dibdib.

Mga sandaling nakakulong sa isang sulok na nagbibigay ng masidhing pagsinta, pag - ibig sa bawat isa. Pakawalan ko man ang marubdob na pag- ibig init ng bawat bisig dama ng buong daigdig. Kasama kita sa tuwa, karamay sa sakit at kaagapay sa pagsinta.

Nais kong maulit ang mga sandaling yakap kita,hinahagkan kita, bisig naten magkayap sa buong magdamag tanging ihip ng hangin ang sa atin ay nagmamatyag at nagbibigay ng kakaibang lamig sa magdamag upang maibsan init nitong nadarama.

Iniibig kita, di ko masabi subalit sana dama mo aking sinta.

Flashback

Balik tanaw sa kahapong nagdaan.

Magkikita tayo nang panahong iyon. Una ninais ko lamang makita ka at malamang maayos ka dahil sa tagal na rin namang hindi tayo nagkikita. Araw,lingo,buwan ang mga lumipas tanging ilang komunikasyon lamang ang ating nagagawa.

May pagtatampo ka subalit kagyat mo akong naiintindihan sa mga oras na iyon. Magkikita tayo , tumatalon dibdib ko. Kay ligaya nitong puso ko na sa ilang linggong di kita nakikita boses mo, labi mo, mata mo ika mismo mayayakap ko.

Ni hindi ko makuhang tingnan ka nang diretso sa iyong mga mata. Baka makita mong nanabik akong masilayan ka. Subalit iyon talaga ang totoo. Narinig ko boses mo. Huh,grabe sobrang lundag ng puso ko. Halik,yakap, ikaw mismo na miss ko kinapanabikan ko. Ihahatid na kita. Magkakalayo na naman tayo nang saglit subalit alam kong bukas, sa isang araw, sa isang linggo,sa isang buwan magkikitang muli tayo.

Hinihintay ko ang bukas na makita muli ikaw aking pagsinta.

Ikaw Lang

Tamang init nitong panahon 

Kapalit ang ulan tuwing hapon 

Tanging hinihintay doon 

Masilayan ka sa banda roon

Makitang ok ka 

Maramdamang nandyan ka 

Ligayang walang patid 

Totoong ligaya iyong hatid

Malayo man sa aking piling 

Alam kong darating at darating din 

Tamang panahon sa atin 

Upang isa't isa'y yakapin

Kakulangan

Kulang ang di kita makita

Kulang ang di kita makausap

Kulang ang di kita mabati

Kulang kapag di kita napangiti.

Kulang ang araw na wala ka

Kulang ang araw na di kita mapaligaya

Ikaw lang talaga

Ikaw ang mahal ko sinta.

Ang saglit na oras

Na ikaw ay makausap

At kagyat na sandaling tapunan ng ngiti

Ligayang walang patid.

Kahit saglit, kahit tilamsik

Ng pagpansin mo sa akin

Ligayang walang humpay

Ikaw lagi hinihintay. 

Ang ating Daan

   

Isang umagang kasing ganda ng  isang bulaklak

Ang makita ka ay isang ligaya

Sa pinagtagpong landas na ating tinahak

Isang marilag na bukas aking nababakas.

   

Tulad ng hagdang kay tarik kung tingnan

Sa bawat hakbang ko'y ligayang walang para

Narating ang kaitaasan, kasama ka aking rilag

Tunay na pag-asa ating natanaw talaga.

Tahanan ng langit, ating natanaw

Tahanang magbubuklod sa mga pusong mapagsinta

Tanging ikaw lamang laman ng isipan

Kapahingan tanging sa yo natatanaw 

Matapos ang pagod na ating dinanas

Kay sarap isiping natapos ang paglalakbay

Sa tuwina'y iisipin walang hanggan kapara

Kasama kang may ngiti nabuo itong araw

Katulad ng likong daan ating pinagmasdan

Kailanman ay di nasaring sumuko sa kapalaran

Magandang damong ligaw tanging nais matanaw

Maganda talaga ang ating naging araw.

Ikaw lamang

Walang kailangan pa

Para ikaw ay maangkinin

Walang pwedeng gawin

Upang isa't isa'y angkinin.

Sa tahimik na gabi

Sa kariktang iyong angkin

Ang ating pagsinta'y

Tunay na walang hanggan.

Kung sa aking palagay

Ika'y tunay na mahal

Wagas mong pag-ibig

Wala ngang kapara pa.

Sa aking alaala

Sa aking kahapon

Ngayon, bukas, kailanma'y

Ikaw lamang oh aking sinta.

Sa Kabilang Dulo ng Daigdig

-naikwento lang sa akin...

Bakit ba kung magmamahal man tayo, hindi natin makuha ang nais nating matanto sa isang tao? Nasambit sa akin ng isang kaibigan, "handa mong isama sa habambuhay ang isang tao kung tanggap mo ang lahat-lahat sa kanya."

Tama nga naman. Bakit ba tayo magmamahal ng panlabas lamang ang nais natin sa kanya?Kinakailangan ba maganda siya? Kinakailangan ba maputi, kaakit-akit? Kinakailangan ba tanggap siya ng lahat ng iyong kakilala lalo't higit ng iyong mga kaibigan at mga magulang? Ano ba ang hinahanap natin? O sino ba ang hinahanap natin? Ang taong kakasamahin ng ating mga kaibigan o ating mga magulang? Hindi ba't taong nais mong ikaw mismo ang makikisama habang buhay?

Ang tanging tanong lamang naman, mahal n'yo ba ang isa't isa? Tanggap nyo ba ang isa't isa? Tanggap n'yo ba ang kahinaan at kapulaan ng isa't isa? Kung oo ang sagot sa lahat ng ito, siya na ang taong nais mong makasama sa habambuhay.

Subalit, paanong kung ang taong nais mong makasama ay ang taong nasa magkabilang dulo pa pala ng daigdig ang agwat? Ang taong nais mong makasama ay kinakailangan pang tumawid ng isang milya upang magkatagpo ang inyong landas? Maari bang sa internet na  lamang ang lahat? Maari bang magkatagpo na lang sa isang online para maka chat mo at magkaroon ng pagkakataong sabihin ang nais sa isa't isa?

Mahirap. pero iisa lamang ang sigurado, maswerte pa rin tayo, nakakaramdam pa rin tayo ng pagmamahal. Malayo man, ang mahalaga may pinagtutuunan ka ng pagmamahal. Ngayon, kung sa kasalukuyan ito'y may pag-aalinlangan at may hadlang, darating ang panahon, mundo nati'y magtatagpo sa gitna upang maipadama nang husto ang pagmamahal sa isa't isa.   

Dahil sa Isang Ikaw

Sa ating pag-iisa mas naiisip natin ano ang mas mabuti nating gawin sa mga bagay at pangyayaring nais nating mangyari na hindi natutupad. Sa halip na magmukmok at sisihin ang sarili sa pagkabigo, mas nararapat na umisip ng mas mabuting bagay na nangyari kaysa ang isipin na maghanap pa sa dapat ito ang nangyari.

Malamang dahil sa labis kong pag-iisip sa iyo kagabi, sobrang umaga na ako nakatulog, kaya't inaasahan na tanghali ako nagising. Subalit hindi ko inaasahan na sa aking pagtulog, mapanaginipan ka. Talagang tinapos ko ang aking panaginip. Kumbaga mula simula hanggang wakas. Napanaginipan ko na kasama kita. Kaulayaw kita. Kayakap kita. Katabi kita. Hanggang sa sumilay ang bukang liwayway. Isang umagang kay ganda para sa ating dalawa. Parang totoo lahat ng pangyayari. Isang panaginip na nagdala sa akin at sa atin sa iisang daigdig, sa iisang panahon at sa malayang oras na tayo'y magkapiling.

Ninais ko na sana maulit ang mga bagay na nangyari sa atin minsang tayo'y nagkasama. Subalit ang lahat ng ito ay maaring maging imposible na. Ang minsang pangyayaring iyon ay panghabambuhay ko nang dadalhin. At iisiping ang ligayang ating nakamit sa mga ors na iyon ay mananatiling bahagi ng aking nakaraan, ng ating kahapon.

Kung aking lilimiin, ang isang magandang bagay ay ating matatanto sa ating pag-iisa. Dahil sa ang lahat ng bagay ay may dahilan kung bakit hindi nakakamit, dapat lamang nating unawain. Kailangan lamang nating makuntento. 

Ako, ninanais ko mang ikaw ay makapiling na muli, nauunawaan ko ang iyong kalagayan, nauunawaan kita. Mahalaga hindi ka nakakalimot. Mahalaga, naaalala mo pa rin ako. Tama na sa akin iyon. Masaya na ako roon. Kahit na ang mga plano mo'y hindi matupad para sa ating dalawa, malamang may iba pang pagkakataon at iyon ay aking hihintayin hanggang sa ang bukas mo'y magliwanag muli. Hanggang sa ang pasanin mo'y gumaan at hanggang ang mundo mo at mundo ko ay muling magtagpo at muling magkapiling sa isang tahimik na gabi. Sa isang malamig na gabi. sa isang maligayang gabi. Hanggang sa muling pagkukurus ng ating landas. Maghihintay ako.

You are my Strength,... I Love You

In due time, you will see me walking beside you, talking in front of you and holding you like there’s no tomorrow. That will happen in God’s time. For now, I don’t want to hurt you, I don’t want to make you feel you are worthless to me. In fact, you made each day of mine meaningful and wonderful. You keep me going.

You are the reason why I keep on striving hard. Though, at this point in time, I am in a midst of trials and heartache, but I keep on looking at you and my burdens lessen. I just would like to request from you, please continue to be with my side and keep on comforting me. You are my strength, you are my hope and I know you are destined to be with me for the rest of our lives.

I will never surrender my love for you. But for the mean time, just keep on believing you are the only one I am praying for, to be with me every  time I wake up each morning, beside me, kissing me, each time in doubt and in trouble comes our way. I am praying for, you will be with me, in good times and bad.

Please, stay, I will ask you soon, but for now, I will pick each pieces of me so when I face you, I am not broken and I can say that I will love you, wholeheartedly.

Ikaw

Makausap dili ka

Makasama paano nga

Araw-araw na dinarasal

Makapiling, makayakap din

Imposible mang isipin

Mahirap at hindi mapag-abot

Mundo mong kinagagalawan

Bukas kaya pwedeng pagtagpuin?

Kung wawariin natin

Iisa naman talaga ang damdamin

Nagkukumahog na pagnanasa

Ikaw't ako nga, iisa rin

Sa bukas na darating

Ikaw ang nais na maangkin

Walang hanggang panalangin

Sana sa huli, tayo pa rin.