Kamalayan

Isang gabing mapang amo

Tanging ikaw lamang at ako

Sa isang higaang nakatikom

Pipi,bulag, bingi

Sa ating pagtagpo

Sa isang sulok ng mundo

Ikaw ang ninanais ko

Tanging ikaw giliw ko

Hangad ko sa bukas na ito

Tanging ikaw ang matanto

Tanging ikaw mayakap ko

Mahagkan mga labi mo

Sa sandadling ito

Nananabik sa yo

Giliw kong inaasam

Hanggang bukas ay dinarasal

Naway kamay mapasiphayo ko.

Haplos

Marahang pagdampi

Ng iyong balat sa akin

Tunay na nagpapangiti

Sa loob kong mapagtimpi.

Sa isang haplos mo

Pusoy sobrang napaamo

Bawat lapat nito

Hinahanap-hanap ko.

Sa muling pagtatagpo

Ikaw ang pinakaiisip

Nais kong sambitin

"Mahal kita" aking giliw.

Sa aking pag-iisa

Na di ka kasama

Tanging kahit sulyap mo

Magpapangiti sa puso ko.

Sa kalayuan ng lugar

Na ating pagtatagpo

Nais kong malaman mo

Hinihintay kita.

Naway haplos mo

Muling makamtam ko

Aangkinin buong puso

Pagmamahal na maiaalay mo.

Pag-uusap

Tumunog ang aking telepono, nakita ko ikaw ang may mensahe. Natuwa ako sa aking nakita sapagkat wala naman akong ibang maisip na dahilan bakit may mensahe ka ganitong oras, maghahating gabi na. Kasunod na tumawag ka sa ganitong oras ng gabi. Gabi na ito at malamang karamihan ng mga tao sa paligid tulog na.

Malambing ang iyong pamamaraan ng pananalita kahit sa simpleng text message lamang ito ramdam ko ang iyong pagkamalambing.

"Bakit ka tumawag?" ang tanong ko.

Wala lang. 

Dito malimit magsimula ang aming usapan na umaabot kung walang pasok ng madaling araw,literal na madaling araw.

Nagalit siya sa akin sapagkat ako raw ay isang sensitive na tao na dahilan doon nagiging insensitive ako sa mga bagay na hindi ko napapansin nasasaktan ko siya.

Kagabi, maliwanag ang aming usapan. Isang usapang naging daan upang maging maliwanag ang aming usapan. Nasabi nya ang ma bagay na dapat sana'y sasabihin ya ng personal. Subalit dala ng aking pagkamatahimik sa twing kame ay magkasama hindi nagkakaroon ng pagkakataong magkausap nang matagal.

Isang bagay ang aking napagtanto, may hinihntay ka at sa akin dapat magmula, subalit kailan ko dapat ito simulan?

Hindi ko alam, ang alam ko lihim kitang pinakamamahal.

Insensitive

Insensitive

1. showing or feeling no concern for others' feelings.

   "an insensitive remark"

   synonyms:

   heartless, unfeeling, inconsiderate, thoughtless, thick-skinned

Kakulangan

Kulang ang di kita makita

Kulang ang di kita makausap

Kulang ang di kita mabati

Kulang kapag di kita napangiti.

Kulang ang araw na wala ka

Kulang ang araw na di kita mapaligaya

Ikaw lang talaga

Ikaw ang mahal ko sinta.

Ang saglit na oras

Na ikaw ay makausap

At kagyat na sandaling tapunan ng ngiti

Ligayang walang patid.

Kahit saglit, kahit tilamsik

Ng pagpansin mo sa akin

Ligayang walang humpay

Ikaw lagi hinihintay. 

Ang ating Daan

   

Isang umagang kasing ganda ng  isang bulaklak

Ang makita ka ay isang ligaya

Sa pinagtagpong landas na ating tinahak

Isang marilag na bukas aking nababakas.

   

Tulad ng hagdang kay tarik kung tingnan

Sa bawat hakbang ko'y ligayang walang para

Narating ang kaitaasan, kasama ka aking rilag

Tunay na pag-asa ating natanaw talaga.

Tahanan ng langit, ating natanaw

Tahanang magbubuklod sa mga pusong mapagsinta

Tanging ikaw lamang laman ng isipan

Kapahingan tanging sa yo natatanaw 

Matapos ang pagod na ating dinanas

Kay sarap isiping natapos ang paglalakbay

Sa tuwina'y iisipin walang hanggan kapara

Kasama kang may ngiti nabuo itong araw

Katulad ng likong daan ating pinagmasdan

Kailanman ay di nasaring sumuko sa kapalaran

Magandang damong ligaw tanging nais matanaw

Maganda talaga ang ating naging araw.

Ulan Tikatik

Tubig mula sa kaitasan

Pinananabikan ninuman

Sa ilalim ng ulap

Sa bintana ng langit.

Sa isang hapong tahimik

Ako'y sumayang saglit

Tinig mo ang narinig

Kasabay ng ulang tikatik.

Kandadong pintuan

Kagyat talagang binuksan

Bawat hakbang ng paa mo

Sabik na sabik akong totoo

Pagpatak ng ulan 

Kasabay ng iyong pagdatal

Sa basang kapaligiran

Ikaw talaga ang tumambad.

Kay sarap na isipin

Kasukob ka aking giliw

Sa tulong ni ulan

Nagkalapit yaring damdamin.

Ang ligayang saglit

Magdamag inuulit

Ngiti sa labi ko

Dala hanggang umaga, totoo

Kailan darating

Ulang tikatik sa piling ko

Hinihintay ka o giliw ko

Marubdob sa puso ko.

Walang Hanggang Bukas

Hindi ko man masabi
Pagmamahal sa iyo
Aking nadarama
Pilit itinatago

Kapag kasama ka
Tanging sobrang ligaya
Sana paghihiwalay
Di na dumating tuwina

Ikaw ang pangarap
Sa gabing mapaghagilap
Ikaw ang ninanais
Sa walang hanggang bukas

Sa aking pagtalikod
Sa nakaraang masalimuot
Tanging ala ala mo
Binabalikan ko dito

Naghihintay ako
Maghihintay ako
Hihintayin kita
Magkasama muli tayo.

Ngiti

Isang matamis na ngiti
Nagpapaligaya sa aking mga labi
Bawat dampi ng halik mo
Langit nadarama ko

Sa pagsintang iniibig
Ikaw ang tanging marikit
Sa twinang magkapiling
Wala talagang kahambing

Sa pagdatal ng umaga
Tanging ikaw ang pampasaya
Pampasigla ng umaga
Bumubuo sa aking alaala

Kaligayahan

Masasabi kong
Ikaw ang lahat sa akin
Ikaw ang aking ninanais
Ikaw lamang ikaw lang

Sa isang pag-uusap
Boses mo'y nagpaligaya
Marinig sa iyo
May gusto ka at ako

Ako ang nanaghoy
Sa ilang buwang paghihintay
Paghihintay na wagas
Pagmamahal na walang kupas

Aking baon sa pag-uwi
Ngiti mong nakakapawi
Mga pagod sa maghapon
Tanging alaala ay iyon

Salamat pag-ibig
Salamat sa iyo
Ramdam ko ang pag-ibig mo
Sa aking pusong nanunuyo

Sa ating muling pagtatagpo
Hayaan mong madama mo
Bawat halik ng labi ko
Ikaw ang inaasam nito.

Pagtatapat

Magkaulayaw tayo
Isang maghapong masiphayo
Bulong ko'y pinakawalan
Mahal kita alam mo ba?

Sa aking pagsambit
Bibig napapigil
Tanging kapalit nito'y
Ngiting kay tamis sa puso

Sa bawat paglapit
Ng puso kong nanabik
Ikaw lang ang hinihintay
Sa susunod na pagkakaniig

Hindi ko man maamin
Ikaw ang mahalaga sa akin
Tanging isaisip mo
Ikaw lang, kasama ako.

Pagnanais sa iyo
Langit ay tutunghin ko
Upang walang hanggan
Magkasama pa rin tayo.

Yakap

Sa ilalim ng malamig
Na simoy ng hangin
Gabing tahimik
Gabing may pananabik

Kamay mo'y hawak ko
Kaligayahan aking natamo
Sa isang sulok ng puso ko
Hinihiyaw pangalan mo

Sa pagdating ng umaga
Nais araw-araw ikaw makita
Sa pagmulat nitong mata
Ikaw lagi hinahanap twina

Sa muling pagtakbo
Nitong oras walang hinto
Kailan kaya muli
Ikaw mayayakap nitong puso?

Muli

Isang paalala
Ang sa akin ay nagpaligaya
Mensahe mo'y nakita
Nanaig ang pag-aasam sinta

Tanging ako lamang
Tanging ikaw lamang
Kung mahawi man ang ulap
Ikaw ang unang nais mahanap

Sa ating pagtatagpo
Damdamin ay nagpuyo
Pusong namimighati
Nabuo sa muling pagtatagpo

Bawat paghakbang ng paglayo
Kalungkutan ang nabuo
Subalit panalangin ko
Sa dulo muling magtagpo.

Pagmamahal Sa Iyo

paano mo makikilala at mararamdaman ang pagmamamahal ko gayong ayaw mong damhin ito, kahit sa malayo?

kailangan bang ang taong mamahalin mo ay magbigay ng dahilan upang hindi ka subukang mahalin,lalo't ipiraramdam mo na minamahal mo siya?

Naghihintay

Nagising siya sa katotohanang, mahirap magmahal.

Isang pagbabago sa kabanata ng kanyang buhay ang magmahal. Maramdamang ang pagmamahal na ito ang babago sa pagtibok ng kanyang puso.

Masarap ang unang araw na makasama ang minamahal. May mga araw na nais mong lagi siyang kasama sapagkat ninananais mong madama lagi ang kanyang paglalambing. Malambing siya, mabait.

"Sige na, ako na.Okey na.Maupo ka na lamang," mga matatamis na salitang kanyang binibitiwan. Mga salitang ginagamit niya sa tuwing sila'y magkasama.Hindi niya hinahayaang gumawa pa siya matapos lumabas sa trabaho.

"Pwede bang maging tayo?,"ang mahiwagang pangungusap na kanyang binitiwan na siyang gumising sa natutulog niyang puso.

Saan hahantong ang pag-ibig na ito?

Malimit niyang sinasabi, na masaya siya na naging bahagi siya ng kaniyang buhay. Ang sarap marinig sa iniibig. subalit, lumilipas ang mga araw, lingo at buwan, tila napapalitan ng pagdududa at pagseselos ang pakiramdam na iyon.

Selos na nagbubunga ng matinding pagdududa na nagdudulot nang pasakit sa puso ng taong nagmamahal. Bakit ganito ang kanyang pakiramdam?

Sa kabila ng mga ganoong pakiramdam, naroon at sa isang sulok ng marubdob na pag-ibig, nanatiling nagtitiis,dahil nagmamahal siya.

"May gagawin ka ba bukas?"aniya. "Wala ang kanyang isinagot." "Baka gusto mo akong i-date?""Sige."

Nagtakda ng oras ng pagkikita kinabukasan. Maaga siyang gumising sa panananbik sa muling pagkikita.Isang matamis na kabanata ang pagkikitang iyon, hindi makakalimutan.

Hindi niya kayang mangyaring ang isinugal na pagmamahal sa kanya ay bigla na lamang mawala. Handa niyang isuko ang lahat mapanindigan lamang ang desisyong magmahal hanggang wakas. Subalit, paanong magtatagal ang pag-ibig na sa simula pa lamang may paghadlang, may pagkatakot, ikinukubl.

Hanggang saan hahantong ang isinugal na pag-ibig ng taong sumisinta?Saan dadalhin ang kapalarang minsang binago ng isang pagnanais, ang magmahal at mahalin?

Hanggang saan?

2014 RSPC at RFT

Abalang-abala ang mga puno at delegasyon para sa partisipasyon ng Dibisyon ng San Pablo sa 2014 Regional Schools Press Conference at Regional Festival of Talents, Jan. 26- Feb. 1.

Mauunang tumungo ang mga journalists para sa RSPC competition sa Jan 26, kung saan ito ang opening day ng presscon, na tatagal ng 3 araw, habang susundan ng RFT sa Jan 30-Feb. 1.

Dalawang intensive training ang isinagawa ng ating dibisyon upang matiyak ang kahandaan ng bawat participants sa nasabing kompetisyon kasama ang mga batikang manunulat at mamahayag mula sa ABS-CBN, kasabay ng dagdag na training na isinasagawa ng mga journalists sa kani-kanilang paaralan.

Mula sa disbisyon ng lunsod ng San Pablo, magiging puno ng delegasyon ang ating OIC-SDS, Gng. Susan DL. Oribiana, kasama sina Dr. Emelene Magtanong,EPS-I-English at Gng. Marilyn B. Capuno, EPS-I-Filipino, para sa RSPC at G. Ely Flores, EPS-I Social Studies, Gng. Evelyn Malabag, EPS-I, TLE at Dr. Consuelo Santos, EPS-I, Pre-Elem ng RFT delegation.

Kasama rin bilang executive committee ng ating ditrito, San Francisco, ang mga punungurong sina Gng. Jane G. Beron at G. Vivencio S. Panganiban.

Billeting quarters ng dibisyon ang Sampaloc Elementary School, Dasmarinas City, Cavite.

Ito ang paghahanda ng rehiyon sa darating na 2014 RSPC at RFT sa SBMA, Olongapo City, sa Abril.

Invitational Jamborette

Muli na namang magsasanib pwersa ang mga Scouts at Scouters sa isang invitational jamborette sa Makiling, Los Banos, Laguna, kasama ang mga councils mula sa CALABARZON, Maynila at Bicol regions sa Jan. 23-28.

Magiging abala at kapana-panabik ang pangyayaring ito sapagkat magiging panauhing pandangal ang hari ng bansang Sweden bilang tugon sa paanyaya ng bansa sa pagdalaw ng kamahalang hari ng Sweden (http://en.wikipedia.org/wiki/Carl_XVI_Gustaf_of_Sweden), sa pagbubukas ng jamborette sa unang araw.

Magiging maigting ang paghahanda upang ang lahat ay makapg-enjoy at masayahan sa mga inihandang activities ng mga regional staff, na kinabibilangan ng ilang training team ng lunsod ng San Pablo, kabilang ang dalawang training team ng San Francisco district na sina Sctr. Annabelle Aguila at sctr. Vivencio Panganiban

Anuman

Sa isang kubling lugar

Doon nalulumbay

Nagtatago't nangungulila

Pusong nag-iisa

Sa isang pangakong

Pilit na binabalikan

Isang salitang

Tanging Pinanghahawakan

Kaligayahan mo'y

akin nang dinarasal

Paglaya mo'y

Akin nang inaasam

Sa kubling gubat na iyon

Tanging isang ako

Tanging isang ikaw

Tanging Tayo,oo.

Sa Likod Nito

Misyon ko sa aking buhay ang makapagbigay ng kaligayahan kaninuman.

Alam kong ang kaligayahan ay napakahirap kamtam lalo't higit may mga bagay na hindi mo kayang sabihin ng harap-harapan.Kaya naman dito sa bahaging ito nais kong malaman mo...

na dahil sa iyo maligaya ako, ang iniaalay kong bahagi ng buhay ko ay tanging para sa iyo lamang. Lai kong hinahanap ang iyong presensya subalit unawa ko, hindi maari, hindi pa pwede.Kailangan pa natin ng sapat na panahon.

Alam kong ang lahat ng ito ay pawang bahagi lamang ng aking ninanais, subalit ang kagyat na sandali na ibinabahagi mo sa akin ay pangmatagalang kaligayahan sa puso at damdamin ko.

Hanggang sa huli, ikaw pa rin. maraming salamat.