"Ikaw" Lang

Nobody’s perfect.

Hindi ko kailangan ang perpektong buhay, hindi ko kailangan ang perpektong tao, hindi ko kailangan ang perpektong mga kaibigan, kailangan ko ang isang “ikaw”.

Hindi ibig sabihin ng isang “ikaw” nag-iisa kayo. Hindi,marami kayo subalit ang malaman ko na sasabihin mo sa akin na nandito “ako” bilang “ikaw” na handang umunawa sa akin at sa isa’t isa masaya na ako. Ituturing ko ang araw na ito na isa sa napakalungkot na araw. Ang araw na nawalan ako ng isang mahalagang tao, isang kaibigan, isang itinuring na kapamilya, nakakalungkot, subalit hihintayin ko ang araw na muli tayong magkita at magkaharap upang maayos ang mga bagay na hindi natin naayos nang mga nagdaang araw na lumipas.

Hindi ko nanaisin pa ang napakaraming kaibigan kung hindi ka totoo. Hinahabol kita dahil mahalaga ka. Humihingi ako ng labis na patawad anuman ang aking nagawa dahil alam ko hindi ako perpekto at sinabi  mo rin hindi ka perpekto, subalit sa oras na magbalik ka isang mahalagang regalo ito na muli ay aking ipagpapasalamat.