Hindi ko Inakala

“Kahit ako, natuto ako sa inyo,” ang pinakamatamis na pananalitang aking narinig sa araw na ito,mula sa isang well experienced at kagalang-galang na tao.

Niayaya ko siya na sumimba sa lugar kung saan ako nagtutungo kapag ika-23 ng buwan, at sya naman ay sumama subalit hindi ko ito inaasahan. Abalang tao siya bilang may mataas na posisyon sa kanyang pinagtatrabahuhan. Subalit, may kababaang loob pa rin siyang sumama.

Ipagpaumanhin, ako ay nahuli sa oras ng aming tagpuan.

Hindi ko inaasahan na ang kanyang mga salita ay magiging musika sa aking pandinig. Sinabi niya na, “Huwag ninyong ikakalaki ng ulo, pero ako ang natuto sa inyo. Natuto akong mas maging mahaba ang pasensya at natutunan ko na maging mas maunawain pa dahil sa ipinakita nyo sa akin.” Hindi ko akalain na ang aming pakikitungo sa kanya ay isang malaking bagay sa kanya at nagbigay pa pala kami sa kanya ng aral sa mga bagay na malimit naming ginagawa.

Ganito iyon. Hindi ko sinasabi na magandang gawain ito. Subalit malimit kasi kami ay huli sa aming mga pagpupulong. Bilang pangulo ng samahan, dapat sana ipinamamalas ko ang pagiging maagap sa mga pagpupulong, subalit baligtad ang nangyayare, malimit ako at ang aking kaibigan, na pangalawang pangulo naman ay nahuhuli. Malimit, nauunahan pa kami ng aming supervisor. Pero, sa halip na ikagalit niya ito, ginawa niya itong dahilan upang mas maging maunawain at mas maging pasensyosa upang mabago ang kanyang sarili at mailapit pa sa mga pangkaraniwang guro ang kanyang sarili at hindi katakutan. Kalimitan kasi, dahil strong yung personality nya, kinaiilapan sya ng mga guro. Pero oras na makilala mo sya, masasabi mo ang malimit naming sinasabi, sa mga nakakakilala sa kanya, “Ah, ok pala naman si Mam, basta’t sumunod ka lamang at tama ang gagawin, walang dapat ikapangamba.”

Ngayon, masasabi nyang, mas pasensyosa sya at mas maging maunawain dahil sa amin. Napakasarap pakinggan, kasi mas mataas ang posisyon nya sa amin, pero napaka humble nyang sinasabi ang ganung mga bagay. How I wish, mas maraming tao pa ang maging katulad nya. Upang sa ganun, bilang pangkaraniwang guro, mas magagawa namin ang aming responsibilidad na walang takot, walang pag-aalinlangan at walang kaba. Kung sana lahat ng nasa itaas (mga opisyal ng DepEd) ay magiging katulad nya, marami mang gawain, mahirap man ito, ok lang kasi may mga taong uunawa sayo, mali man pagpapasensyahan ka. Sana.