Lumot

Pinilit kong limutin ka

Ang isipin ka iniwasan pa

Pag-ibig talaga,

Magsinungaling man huli ka

Sa talim ng dila

Sa kislap ng mga paningin

Tayong umiibig

Hindi makapagkakaila

Ikaw na minamahal ko

Sa marubdob na puso ikinubli

Kahit sino kakastiguhin

Pag-ibig ‘wag lang masaring

Itinatagong pilit

Damdaming mapang-akit

Minamahal kita

Bawal man, pasensya ka.

Pag-ibig ko’y mala lumot

Sa lilim ng puno nanunuot

Sa panahong mamasa-masa ito

Lalago, yayabong.